Әдебиеттi ешкiм мақтаныш үшiн жазбайды, ол мiнезден туады, ұлтының қажетiн өтейдi сөйтiп...
Ахмет Байтұрсынұлы
Басты бет
Әдеби үдеріс
ЖАҢАЛЫҚТАР
Алтынбек Сәрсенбайұлы атындағы жүлде үшін республи...

09.08.2022 1506

Алтынбек Сәрсенбайұлы атындағы жүлде үшін республикалық байқау 12+

Алтынбек Сәрсенбайұлы атындағы жүлде үшін республикалық байқау  - adebiportal.kz

Мемлекет және қоғам қайраткері, саясаткер Алтынбек Сәрсенбайұлының туғанына 60 жыл

Баспасөзде және әлеуметтік желілерде

эссе жанрындағы шығармаларға

Алтынбек Сәрсенбайұлы атындағы жүлде үшін

республикалық байқау

Байқаудың мақсаты:

- Тәуелсіз Қазақстанның іргетасын қалап, шаңырағын көтеру ісіне өзінің өмірін арнаған мемлекет және қоғам қайраткерінің егемен ел дамуына сіңірген еңбегіне әділ баға беру;

- өнегелі өмірін бұқаралық ақпарат құралдары арқылы насихаттау;

- әділдік жолында шейіт кеткен сұңғыла саясаткердің мемлекетшіл болмысын, азаматтық-патриоттық тұлғасын кейінгі ұрпаққа үлгі ету;

- көсемсөз жанрында жазатын шығармашыл тұлғаларға қолдау көрсету.

Байқауға ұсынылатын тақырыптар:

Алтынбек Сәрсенбайұлы -

- журналист һәм редактор;

- Тәуелсіз Қазақстанның іргетасын қаласқан демократтық көзқарастағы мемлекет қайраткері, ұлт патриоты;

- дипломат;

- Қазақстанда жаңа қоғам орнату жолындағы саяси күрескер;

- мемлекет болашағын болжай алған сұңғыла саясаткер;

- адамгершілігі жоғары, азаматтық позициясы айқын тұлға.

Байқау талаптары:

- тек эссе жанрында жазылған шағын көсемсөз шығармалар қабылданады;

- жазылған эссе 10 тамыздан 10 қыркүйекке дейін ел аумағында тарайтын газет-журналдарға, бұқаралық ақпарат құралы ретінде тіркелген сайттарға, яки бес мыңнан жоғары жазылушысы бар әлеуметтік желілерде жариялануы керек;

- жарияланған эссенің электрон нұсқасын, сілтемесін ұйымдастыру алқасына жолдау міндетті;

- байқауға бір автордан бір ғана шығарма қабылданады;

- байқауға әдепсіз сөздер араласқан, сондай-ақ үшінші тұлғалардың этикалық нормалары мен авторлық құқықтарын бұзатын туындылар қабылданбайды;

- байқауға қабылданған жұмыстар рецензияланбайды және қайтарылмайды.

- байқау жұмыстары MS Word форматында, Times New Rоman қарпімен, 14 кегльмен, 1,0 аралықта терілуі керек және 2022 жылдың 10 қыркүйегіне дейін yessey0708@gmail.com электрон поштасына жіберу қажет;

- автор туралы мәлімет, байланыс деректері (Т.А.Ә., тұратын мекен-жайы, телефон нөмірі, электрон поштасы, мекен-жайы, фотосурет, автор туралы қысқаша ақпарат) шығармамен қоса жолданады.

Байқау қорытындысы:

Ұйымдастыру алқасы байқау ережесінде көрсетілген талаптарға сай жолданған шығармаларды қарап, Алтынбек Сәрсенбайұлы атындағы сыйлық иегерлерін (үш орын) А.Сәрсенбайұлының туғанына 60 жыл толуына орай өтетін халықаралық ғылыми конференцияда жариялайды және ақшалай-заттай сыйлықпен марапаттайды.


Біздің Telegram-парақшамызға жазылыңыздар! Бізбен бірге болыңыз!


Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 14 (ішкі - 1060)

Мақала авторының көзқарасы редакцияның көзқарасын білдірмейді.


Көп оқылғандар